बेल आणि कोठडी

बेल आणि कोठडी देवेंद्र फडणवीसांना धमकी देणारा आरोपी किंचक नवले आणि योगेश सावंत यांना पोलीस कोठडी मिळाल्यानंतर ते हायकोर्टात गेले आणि तेथे त्यांना जमानत ( बेल ) मिळाली. बऱ्याच वेळा गंभीर आरोप असलेल्या आरोपीला जमानत मिळते आणि त्यामुळे सर्वसामान्य माणसाचा कोर्टावरील विश्वास उडून जातो त्यामुळे प्रथम जमानत का आणि केव्हा मिळते ते समजून घेतले पाहिजे. जेथेपर्यंत एखाद्या आरोपीवर बेलेबल गुन्हा दाखल झालेला असतो तेव्हा पोलिस प्राथमिक चौकशीसाठी आरोपीला पोलीस कोठडीमध्ये नेण्याची परवानगी मागू शकतात. पुढे चौकशी पूर्ण झाल्या नंतर अधिक तपासासाठी पोलीस कोठडीत वाढ किंवा न्यायालयीन कोठडी मागू शकतात, अशा वेळी आरोपीचा वकील कोर्टात अर्ज करतो की पोलीस आणि सरकारी यंत्रणेला ज्या ज्या वेळी आवश्यक वाटेल त्या त्या वेळी किंवा ठरवलेल्या वेळापत्रकनुसार पोलिसांना / सरकारी यंत्रणेला सहकार्य करण्याच्या अटीवर बेल बॉण्ड देऊन आपली न्यायालयीन कोठडी वाचवू शकतो. आणि जर पुढे आरोप सिद्ध झाला तरच त्याला तुरुंगात जावे लागते किंवा दंड भरून त्याची सुटका होऊ शकते. त्यानंतर ९० दिवसाच्या आत पोलिसांना पूर्ण आरोप पत्र सादर करून न्यायालयीन केस करावी लागते. आधीच्या केसला साधी पोलीस केस म्हटली जाते. जरी ९० दिवसाच्या आत आरोपपत्र दाखल झाले नाही तरी आरोपी बेल मागू शकतो कायद्याचा भाषेत Bail is rule, jail is an exception. मी वकील नाही पण काही चुकले असेल तर जरूर सांगा म्हणजे मला कळेल. Madhav Bhole

भविष्याचे वेध आणि कॉम्पुटिंग रिसॉर्सेस:

भविष्याचे वेध आणि कॉम्पुटिंग रिसॉर्सेस: ६ मार्च २०२४ रोजी NVidia कॉर्पोरेशन हि २.१५ ट्रिलीयन डॉलर मार्केट कॅपिटलाझेशन असलेली जगातील ४ थी आणि अमेरिकेतील ३ ऱी जास्तीतजास्त किमती कंपनी ठरली. ऍपल आणि मायक्रोसॉफ्ट नंतर अमेरिकेत ३ नंबर वर आणि जगात सौदी आरामको ह्या कंपनी नंतर ४ थी किमती कंपनी म्हणून तिचा नंबर लागतो. काय आहे ह्या NVidia चे प्रॉडक्ट्स? आपण आतापर्यंत कॉम्पुटर मध्ये CPU हा शब्द ऐकला असणार. CPU म्हणजे सेंट्रल प्रोसेसिंग युनिट. कोणत्याही कॉम्प्युटर चा CPU हा एक अविभाज्य भाग आहे. CPU हे कॉम्पुटर चे हृदय आहे. कॉम्पुटर मधील सर्व गणिते तसेच डेटा वाहतूक CPU मधून होते. CPU बंद पडला की कॉम्पुटर बंद. तर CPU चा नवीन अवतार GPU आहे. GPU म्हणजे ग्राफिकलं प्रोसेसिंग युनिट. हा GPU, ग्राफिक्स, अतिशय किचकट असे गेम्स, भलीमोठी गणिते तो CPU पेक्षा जास्त वेगाने सोडवतो. प्रत्यक्ष GPU हा साधे काम करण्यासाठी आखलेला आहे परंतु त्याचे अनेक GPU जोडून संच तयार केले की तो अतिशय वेगवान काम करतो. तो ह्या मध्ये Parallel processing करतो त्यामुळे एक काम अनेक GPU मध्ये वाटतो आणि लवकर परिणाम तयार करतो, जशी आपण एक भाजी ४ लोकांना सोलायला किंवा चिरायला दिली की पटकन तयार होईल तसे. सध्या जगभरात बोलबाला असलेल्या आर्टिफिशल इन्टीलीजन्स ( कृत्रिम बुद्धिमत्ता ), मशीन लर्निंग सारख्या अध्ययावत विषयात प्रश्नांची उत्तरे शोधण्यासाठी लाखो पॅरामीटर्स ( बदलणारी गृहिते ) असतात आणि ती वापरून निष्कर्ष तयार करण्यासाठी प्रचंड कॉम्पुटर मेमरी आणि वेग लागतो आणि तो वेग ह्या GPU मध्ये CPU पेक्षा जास्त असतो. ( एक GPU हा साधारण पणे १० ते २०० पट वेगवान असतो. ). तर असे GPU बनवण्यात NVidia, AMD, intel, Qualcom ( for mobile and telecom) ह्या काही प्रमुख कंपन्या आहेत. त्यात सर्वात जास्त वेगवान GPU बनवणारी कंपनी NVidia आहे. त्यांचे H100 GPU मॉडेल आहे. हे त्याच्या आधीच्या मॉडेल A100 पेक्षा ६ पट जास्त वेगवान आहे. NVidia link switch वापरून असे २५६ H100 एकत्र जोडता येतात. अशा प्रकारचे संच Cloud computing मध्ये वापरतात जे पुढे AI अँड मशीन लर्निंग मध्ये वापरतात. सध्या ह्या गोष्टीचे पेव आल्यामुळे NVidia च्या H100 ला खूप मागणी आहे. तुलनाचं करायची झाली तर AMD च्या GPU असलेल्या MI300X ह्या चिपसेट ची किमत १० ते १५ हजार डॉलर्स आहे तर Nvidia च्या H100 ची किमत साधारण ४०,००० डॉलर्स आहे. २०२३-२४ च्या तिसऱ्या तिमाही मध्ये NVedia ने सुमारे ५,००,००० H100 विकले. मायक्रोसॉफ्ट आणि मेटा हे त्यांचे दोन मोठे ग्राहक आहेत. Perplexity Ai म्हणून एक San Fransisco, California मधील आर्टिफिशल इन्टीलीजन्स वर काम करणाऱया कंपनीचा एक संस्थापक अरविंद श्रीनिवास म्हणतो, मी मेटा( पूर्वीची फेसबुक ) कंपनी मधील एका आर्टिफिशल इन्टीलीजन्स शास्त्रज्ञाला आमच्याकडे काम करतोस कां म्हूणन विचारले तर तो म्हणाला की आधी "१०,००० H1000" काम करण्यासाठी उपलब्ध कर मग माझ्याकडे विचारायला ये. इतकी सध्या कॉम्पुटर रिसॉर्सेसची गरज आहे. आणि इतकी GPU ला मागणी आहे. AI चा पूर्ण प्रवास हा कॉम्पुटर रिसॉर्सेस वरतीच अवलंबुन आहे. आणि अर्थात ह्या रिसॉर्सेस साठी सेमी कंडक्टर, सिलिकॉन इत्यादी मटेरियल ला विशेष महत्व आले आहे. मायक्रोसॉफ्ट ची अझूरे नावाची एक cloud computing शाखा आहे आणि आर्टिफिशल इन्टीलीजन्स मध्ये आतापर्यंत पुढे असलेली कंपनी Open AI जीचा मुख्य प्रवर्तक सॅम अल्टमन आहे ( चॅट जीपिटी ४ वाला). तर काळाची पावले ओळखून, सॉफ्टवेअर मध्ये दादा असलेल्या मायक्रोसॉफ्टने OPEN Ai कंपनी मध्ये एकंदर १३ बिलीयन डॉलर्स गुंतवून ४९% भागीदारी घेतली आहे. ती सुद्धा या अटीवर की ओपन AI यातील बहुतेक रक्कम अझूरे प्लॅटफॉर्म वापरून खर्च करेल. म्हणजे चित भी मेरी और पट भी मेरी. म्हणजे इकडे १३ बिलीयन गुंतवायचे आणि इकडे १३ बिलीयन चा व्यवसाय बांधून घ्यायचा. असो अशाच प्रकारे ज्या टेक्नॉलॉजी वर आधारित हे GPU आहेत त्या तंत्रज्ञातील एक भारतीय शास्त्रज्ञ्, गणिती, पुण्यातील डॉ. नरेंद्र करमरकर, हे आहेत, आणि त्यांनी सिम्प्लेक्स मेथड ह्या मॅनेजमेंट थियरी वापरून parallel processing च्या वर आधारित सुपर कॉम्पुटर काढण्याचा आराखडा २००६ मध्येच तयार केला होता आणि भारतातील दिग्गज अशा एक मोठ्या व्यवसायिक ग्रुपबरोबर भागीदारी सुरु केली होती परंतु बौद्धिक संपदा हक्क कोणाचे राहतील यावर काही अटींवर मान्यता न झाल्यामुळे ती भागीदारी रद्द झाली. या साठी दोन्ही पार्टीचे नक्की कुठे बिनसले ते कळले नाही परंतु एक गोष्ट नक्की की व्यवहारात दोन्ही बाजूनी अडेल तट्टू पणा झाला की व्यवहार पूर्ण होत नाही आणि कार्य नाश होतो. करमरकर यांचे नावावर अनेक पेटंट्स आहेत. हे झाले असते तर कॉम्पुटिंग पावर मध्ये भारताचा झेंडा अटकेपारच काय पण जगाच्या पुढे गेला असता. अर्थात हे सर्व करायला दूर दृष्टी लागते, त्याचा अभाव भारतीय व्यवसायिकात आहे. संशोधनावर पैसे खर्च करणे म्हणजे त्यांचे मते वाया घालवणे आहे. तसेच प्रत्येकाला ते नोकरच समजतात. माधव भोळे

राखेतून उभे राहणारे - ब्राह्मण

आज काल ब्राह्मणांना शिवीगाळ आणि धमक्या देण्याचे, त्यांच्यात दहशत निर्माण करण्याचे काम काही समाज कंटक करताना दिसत आहेत. त्यांना ब्राह्मण म्हणजे पालापाचोळा वाटतो. ईश्वर आराधना करून समाजाला आदर्शवादाकडे नेणे, समाजाला शिक्षित आणि सुसंस्कृत करणे, समाजाला शिस्त लावणे आणि मार्गदर्शन करणे अशी कामे ब्राह्मण करतात. भारतवर्षाच्या आजवरच्या प्रगतीमध्ये ब्राह्मणांचा वाटा मोठा आहे. चंद्रगुप्त मौर्याला राज्य शासनाबद्दल सल्ला देणारा चाणक्य, ब्राह्मण होता. पन्हाळ्याहून सिद्धी जोहरचा वेढा फोडून छत्रपती शिवरायांनी विशाळगडावर सुखरूप पोहोचावे म्हणून शत्रूला पवनखिंडीत (घोडखिंड ) रोखून धरण्यासाठी स्वतःच्या प्राणाची आहुती देणारा बाजी प्रभू देशपांडे, ब्राह्मण होता. छत्रपती शिवाजी महाराज्यांच्या पश्चात त्यांची सून ताराबाई आणि नातू शाहू महाराज १ (संभाजी पुत्र ) यांच्यामध्ये सामंजस्य तयार करून पुढे महाराज्यांचे मराठा साम्राज्य निष्ठेने चालवणारा आणि वाढवणारा पेशवा बाळाजी विश्वनाथ, हा ब्राह्मण होता. पुढे मराठा साम्राज्य अटके पर्यंत वाढवून मराठा सम्राज्याला स्थईर्य देणारा बाजीराव पेशवा ब्राह्मण होता, त्यांच्याबरोबर खांद्याला खांदा लावून लढणारे मेहेंदळे, पटवर्धन असे अनेक सरदार ब्राह्मण होते. १८५७ ला इंग्रजांविरुद्ध मेरी झान्सी नही दूंगी म्हणत युद्ध पुकारणाऱी झाशीची राणी लक्ष्मीबाई नेवाळकर, तात्या टोपे आणि बिठुरचे नाना साहेब पेशवे २ हे सर्व ब्राह्मण होते. महात्मा ज्योतिबा फुले यांच्या पत्नी सावित्रीबाई फुले यांना प्रथम मुलींच्या शाळेसाठी जागा देणारे भिडे ब्राह्मण होते. प. पु. बाबासाहेब आंबेडकरांना सकपाळ ऐवजी आंबेडकर नांव आवडते म्हणून शाळेत बदलून देणारे मुळे गुरुजी ब्राह्मण होते. पुढे स्वातंत्र्य लढ्यात ३% लोकसंख्या असून सुद्धा बलाढ्य अशा इंग्रज्यानपुढे आघाडीच्या नेत्यात लढणारे गोपाळ कृष्ण गोखले, टिळक, आगरकर पुढे तात्याराव सावरकर, त्यांचे बंधू बाबाराव सावरकर आणि अनेक स्वातंत्र्य सैनिक ब्राह्मण होते. प्लेग च्या साथीमध्ये पुण्यात इंग्रजांनी केलेल्या अत्याचाराचा बदला घेण्यासाठी रॅनड ची हत्या करणारे चाफेकर बंधू ब्राह्मणच होते. किती उदाहरण देऊ, फेसबुक भरून जाईल 😄 देशासाठी एव्हडे करून सुद्धा ब्राह्मणांचा वंश विच्छेद करण्याची भाषा बोलणारे हे उर्मट कार्यकर्ते, नक्की कोणत्या समाजाचे नेतृत्व करतात? ब्राह्मण आणि मराठे यांचे संबंध एव्हडे वाईट कधीच नव्हते कारण खरे मराठे ब्राह्मणांची किंमत जाणतात. मराठा स्वतःला कुणबी प्रमाणपत्र लावून घ्यायला तयार नाहीत. जरंगे सरसकट सर्वाना कुणबी प्रमाणपत्र द्यायला सांगत आहे आणि ते अस्सल मराठ्यांना मुळीच मान्य नाही असे दिसते. एक लक्षात घ्या एका नथुराम गोडसेनी गांधीजींना मारले म्हणून संपूर्ण ब्राह्मण समाजाला गावा गावातून हाकलवून लावून सुद्धा ब्राह्मणांचे अस्तित्व संपत नाही. संपलेले नाही कारण ब्राह्मण कोणापुढे लाचार नाही. ब्राह्मण स्वकर्तृत्वावर जगतो. त्याची ताकद त्याच्या बुद्धिमत्तेत आहे आणि ती जपण्याचा तो पुरेपूर प्रयत्न करतो. मग तुम्ही कितीही शिव्या द्या नाहीतर तूताऱ्या वाजवा. ब्राह्मणाना दुसरे नांव आहे द्विज म्हणजे दोनदा जन्मणारा. एकदा जन्मतो त्यावेळी आणि एकदा मुंज झाल्यानंतर असे ब्राह्मणाचे दोन जन्म असतात असे शास्त्र सांगते. लिहून ठेवतो की यदाकदाचित जरी त्याला संपवायचा प्रयत्न केला तरी तो राखेतून उभा राहील याची त्याला खात्री आहे. संपवणारे संपतील पण ब्राह्मण संपणार नाही. माधव भोळे