बहिष्कार एक नवीन खूळ खुळा

बहिष्कार एक नवीन खूळ खुळा 

मध्यंतरी काही पोस्ट वाचल्या त्यामध्ये जेथे जेथे पाक शब्द आहे तेथे तेथे श्री किंवा अन्य शब्द वापरा असा संदेश होता जसे की स्वयंपाक ऐवजी स्वयंश्री किंवा मैसूरपाक ऐवजी मैसूरश्री वगैरे. म्हणजे पाकिस्तानची निर्मिती १९४७ साली झाली आणि स्वयंपाक किंवा मैसूरपाक शब्दाची किंवा पदार्थाची निर्मिती त्या आधी झाली तर आपण स्वतःला कशाला बदलायचे हे समजले नाही.

पण आज गोकुळ ब्रँड ( कोल्हापूर जिल्हा सहकारी दूध उत्पादक संघ ) दूध संघाचा अध्यक्ष नविद मुश्रीफ झाल्यानंतर लोक नगारे पिटायला लागले की गोकुळ दुधावर बहिष्कार घाला. 

आहो कोल्हापूर दुघ संघाची स्थापना १६ मार्च १९६३ साली झाली त्यामध्ये हजारो मराठी शेतकरी सभासद असून त्यांच्या सातत्याने टिकवलेल्या उत्तम दुग्ध गुणवत्तेमुळे गोकुळ हा एक अजरामर ब्रँड झाला. भारतात गोकुळच्या दूध गुणवत्तेला तोड नाही असे असताना निव्वळ अध्यक्ष मुसलमान झाला म्हणून ब्रँडचा सत्यानाश करायचे हे तत्वच मुळी चुकीचे आहे.

 

तो नविद मुश्रीफ अध्यक्ष का आणि कसा झाला याची कारणे शोधून आणि त्यात शक्य असेल तर सुधारणा करायचे सोडून कष्टाने उभ्या केलेल्या उद्योगाला संपवणे म्हणजे स्वतः आत्महत्या करण्यासारखे आहे.

माधव भोळे