एसटीचे ब्रँड अँबेसेडर
आज एसटी महामंडळ आणि वहातूक विभागाचे मंत्री प्रताप सरनाईक यांनी आज रितेश आणि जेनेलिया देशमुख यांना एसटीचे ब्रँड अँबेसेडर, म्हणून नेमणूक केली.
ब्रँड अँबेसेडर आणि जाहिरातीवर खर्च करण्यापेक्षा ते पैसे एसटीचेचे बस डेपो, स्वछता गृह, एसटी वर्कशॉप सुविधा, तिकीट बुकिंग वेबसाईट, एसटी बसेसचीं कंडिशन अँड तांत्रिक बाबी सुधारण्यात खर्च करायला हवे.
ते म्हणतात की एसटीचीं छबी सुधारण्यासाठी ब्रँड अँबेसेडर हवा. जर प्रॉडक्ट किंवा सेवा खराब असेल तर अगदी टॉप मोस्ट कलाकार किंवा सेलिब्रेटी आणला तरी इमेज सुधारणार नाही. बाहेरचे आवरण ( पॅकेजिंग ) बदलून एकदा दोनदा माणूस वस्तू विकत घेतो पण आतला माल चांगला असेल तर ती वस्तू नेहमीच विकत घेतली जाईल हे सांगायला कोणी मार्केटिंग व्यवसायिक नको.
एसटीला कमी ग्राहक मिळण्याची आणि त्यामुळे एसटी तोट्यात जाण्याची कारणे शोधून त्यावर उपाययोजना करण्याऐवजी मलम पट्टी लावण्याचे हे कृत्य नक्कीच स्वागतार्ह नाही.
या बाबतीत तत्सम सार्वजनिक वाहतूक व्यवस्था भारतातील इतर राज्यात कशी आहे याचा सुद्धा अभ्यास करायला हवा.
माधव भोळे
No comments:
Post a Comment