राष्ट्रीय स्वयंसेवक संघ आणि विरोधक

राष्ट्रीय स्वयंसेवक संघ आणि विरोधक 

आज राष्ट्रीय स्वयंसेवक संघाला १०० वर्ष पूर्ण झाली. एक रोप लावले आणि त्याचा वटवृक्षच नाही तर एक वनराजी तयार झाली. आता वनराजी म्हटल्यावर काही लोक त्याकडे मनःशांती म्हणून बघतात तर काही लोक आत हिस्त्र प्राणी असतील असा ग्रह करुन घेऊन त्यांची चड्डी आधीच ओली होते.

कोणताही विचार आपण जगापुढे मांडा, त्याच्या बाजूने आणि विरुद्ध लोक असणारच. पण जों विचार १०० वर्ष तग धरून आहे तो स्वीकारार्ह आहे म्हणूनच तग धरून आहे हे साधे गणित आहे. 

जगाच्या इतिहासात अनेक तत्ववेत्ते आणि नेते होऊन गेले. मार्क्स, हिटलर, गांधी, सावरकर या सारखे अनेक प्रभावी नेते होऊन गेले पण त्यांचे विचार त्यांच्या बरोबर संपले. पण श्रीराम, येशू ख्रिस्त, श्रीकृष्ण, महावीर, गौतम बुद्ध, गुरु नानक यांचे विचार आजही तग धरून आहेत कारण ते कोणा एका व्यक्तीच्या फायद्यासाठी किंवा एखाद्या समाजाच्या फायद्या साठी तयार झाले नसून मानव जातीच्या भल्यासाठी तयार झाले. 

संघांचे सुद्धा असेच आहे. संघांचे विचार हे राष्ट्र सेवेसाठी समर्पित आहेत. अर्थात विचार म्हटले कीं चर्चा होणारच आणि सर्वच विचार लोकांना पटतील असेही नाही पण एक मोठे उदिष्ट म्हणजे आपल्या देशाची सर्वांगीण प्रगती, देश प्रेम आणि निष्ठा. या तिन्ही बाबतीत संघ स्वयंसेवक पूर्ण पणे परीक्षेत उतरताना दिसतात. हा एक प्लस पॉईंटच बाकी सर्व तथाकथित मायनस विचार पुसून टाकतो. मीं संघीय नव्हतो आणि नाही. पण जे योग्य आहे ते लिहायला मीं कचरणार नाही.

मग विरोधक किती भुंकत आहेत ते भुंकुंदेत. 

असो, सर्व देशप्रेमी मंडळींना आणि राष्ट्रीय स्वयंसेवक संघाला दसऱ्याच्या शुभेच्छा.

माधव भोळे