हरिबा डेयरी फार्मची यशोगाथा

हरिबा डेयरी फार्मची यशोगाथा 

नुकतेच एका गुजराती माणसाने मला काजू कतलीचा एक तुकडा हातावर ठेवला. त्याची चव अतिशय सुंदर होती. ही काजू कतली, हरिबा डेयरी फार्म, बुधना, भावनागर, गुजरातचे प्रॉडक्ट होते. कोण म्हणेल त्यात काय विशेष आहे?

ह्या डेयरी फार्मचे संस्थापक विनूभाई सुतारिया हे हिरे व्यवसायात नोकरीं करत. त्यांना पहिल्यापासूनच गोपालन करण्याची हौस आणि ईच्छा होती. आपल्या निवृत्तीनंतर त्यांनी आपली ही हौस पुरी करण्याची ईच्छा आपला मुलगा मेहुलकडे व्यक्त केली. मेहुलने सुद्धा त्यांना सहकार्य करण्याचे आश्वासन दिले. 

वेद सांगतात, गाय आपली माता आहे. तीला सन्मानाने वागवले पाहिजे ह्या भावनेने त्यांनी २०१४ ला सुरवातीला २/३ गाई पाळायला बुढाणा येथे सुरवात केली. ह्या साध्या सुध्या गाई नसून गीर गाई आहेत. भारतातील गीर आणि सैहवाल जातीच्या गाई A2 दूध देतात. जगातील सर्वच गाई A2 दूध देत नाहीत.त्यांनी लोकांना वैदिक संस्कृतीचे महत्त्व आणि ते आपल्या दैनंदिन जीवनात कसे समाविष्ट करू शकतो हे समजावून सांगितले.

काय आहे हे A2 दूध?

फक्त A2 मध्ये बीटा-केसिन प्रोटीन आहे आणि ते कॅल्शियम, प्रथिने आणि जीवनसत्त्वे A, D आणि B12 सारख्या पोषक तत्वांचा समृद्ध स्रोत आहे, जे हाडांचे आरोग्य, स्नायूंचे कार्य आणि प्रतिकारशक्तीला समर्थन देते. A2 दूध काही लोकांसाठी पचण्यास सोपे आहे. 

वडिलांच्या ह्या विचाराने सुरवात झालेल्या गोपालनाला त्यांचे सुपुत्र मेहुल याचे समर्थन लाभले. मेहुल MBA झाल्यानंतर त्यांनी ७/८ ठिकाणी नोकऱ्या केल्या. त्यानंतर त्याने आपल्या वडिलांच्या छंदाला आकार देण्याचे ठरवले. 

२०१८ मध्ये शुद्ध, सेंद्रिय आणि रासायनमुक्त दुग्धजन्य पदार्थ उपलब्ध करून देण्याच्या उद्देशाने त्याने हरीबा डेयरी फार्म ह्या नावाने एक डेयरी फार्म सुरू केला. हरी बा म्हणजेच "mother nature" किंवा "निसर्गमाता". 

वेदिक पद्धती: भारतीय वैदिक संस्कृती आणि तिच्या मूल्यांवर आधारित ही डेअरी चालवली जाते. वेदामध्ये गायीला मातेचा दर्जा दिला आहे, त्यामुळे हरिबा डेअरी फार्ममध्ये गायींची काळजीपूर्वक आणि सन्मानाने सेवा केली जाते.

खास उत्पादन: त्यांच्या उत्पादनांमध्ये गाईच्या दुधापासून बनवलेले शुद्ध तूप आणि इतर उत्पादने समाविष्ट आहेत. त्यांचे तूप पारंपरिक वैदिक पद्धतीने ( रवी घुसळून लोणी तयार करून कढवून तयार केले जाते., बाकीच्या डेयरी मध्ये यांत्रिक पद्धतीने वेगळ्या प्रोसेसने ते केले जाते ) ज्यामुळे त्याची गुणवत्ता उत्कृष्ट असते. 

नैतिक व्यवसाय:

प्राण्यांची काळजी: हरिबा डेअरी फार्ममध्ये गायींना बांधून ठेवले जात नाही. त्यांना मोकळेपणे फिरण्याची आणि चरण्यासाठी पुरेशी जागा दिली जाते. त्यांच्या आरोग्याची काळजी घेतली जाते आणि त्यांच्यासाठी भक्तिमय संगीत आणि संस्कृत मंत्रांचे पठण केले जाते, ज्यामुळे गायी आनंदी आणि निरोगी राहतात.

शुतक परंपरा: हरिबा डेअरी फार्ममध्ये हिंदुंच्या 'शुतक' परंपरेचे पालन केले जाते, ज्यानुसार जेव्हा गाय वासराला जन्म देते, तेव्हा १५ दिवसांपर्यंत तिचे दूध वापरले जात नाही. त्यामुळे त्यांचे तूप धार्मिक विधींसाठीही योग्य मानले जाते. 

ग्राहकांचा विश्वास:

ग्राहकांचा अनुभव: हरिबा डेअरी फार्मने त्यांच्या उत्कृष्ट उत्पादनांच्या गुणवत्तेमुळे आणि वेळेवर वितरणाबद्दल ग्राहकांचा विश्वास जिंकला आहे. अनेक ग्राहकांनी त्यांच्या उत्पादनांबद्दल, विशेषतः खजूर आणि सुकामेव्यापासून बनवलेल्या मिठाईबद्दल समाधान व्यक्त केले आहे. त्यांची प्रोडक्ट haribadairyfarm.com वर उपलब्ध असून त्यांना देश विदेशातून मागणी आहे. 

मेहुलने वेगवेगळे व्हिडीओ बनवून आणि सोशल मीडियाचे मार्केटिंग तंत्र वापरून आपल्या कंपनीची खूप प्रगती केली आहे. सध्या त्यांच्याकडे ७२ गीर गाई असून गेल्यावर्षीची उलाढाल २ कोटी रुपयाची आहे.

स्थान: हा फार्म गुजरातमध्ये सौराष्ट्रातील बुढाणा गांव,तालुका शिहूर , जिल्हा भावनगर येथे आहे, जिथे गीर जातीच्या गायींचे मूळ स्थान आहे. यामुळे त्यांना गीर गायींची उत्तम काळजी घेणे शक्य झाले आहे.

माधव भोळे