प्रधानसेवक मोदी जीं!!

 प्रधानसेवक मोदी जीं!!

मोदींची ही तिसरी टर्म सुरू आहे. अनेक विरोधक मोदींवर नाराज आहेत पण देशाच्या आणि लोकांच्या हितासाठी कणखर निर्णय घेताना मोदी राजकीय परिणाम काय होतील याकडे संपुर्ण दुर्लक्ष करतात हे विरोधातील विरोधी व्यक्ती सुद्धा मान्य करेल.

या आधी काश्मीरच्या विकासासाठी आणि भारताच्या सुरक्षेसाठी ३७० कलम हटवताना मोदींनी जे साहस दाखवले तेच साहस अमेरिकेच्या दबावाने भारतात शिरू पाहणाऱ्या GMO सिड्स आणि ऑरगॅनिक फूड्स रोखताना केले. भारतीयांच्या फायद्यासाठी इराण आणि रशियाकडून स्वस्त तेल विकत घेण्यासाठी त्यांनी अमेरिकेचा रोष पतकरला. रिझर्व बँकेच्या धोरणामध्ये कॉन्टीजन्सी फ़ंड ची मर्यादा ठरवून घेण्यासाठी त्यांनी आग्रह धरला आणि उरलेला नफा सरकारला लाभांश म्हणून घेऊन तो भारताच्या विकासासाठी योगदान म्हणून वापरण्याची व्यवस्था केली असे अनेक देशहिताचे निर्णय त्यांनी घेतले..

तरुणाई आणि जुगारी लोकांना जुगाराच्या व्यसानाच्या खाईतून बाहेर काढण्यासाठी सरकारचा २ लाख करोड रुपये जिडीपी देणारा आणि वार्षिक २५,००० करोड रुपये टॅक्स देणारी ऑनलाईन गेमिंग इंडस्ट्रि ज्यामध्ये पैसे लावले जातात त्या इंडस्ट्रिवर बंदी आणून त्याचा पैसा बँकेत किंवा अन्य मार्गाने जमा होण्यास कारणीभूत होणाऱ्या आस्थापनांना त्यांचे बरोबर व्यवहार केल्यास जबर दंड लावण्याची व्यवस्था केली. या बाबतीत एक ठराव आज लोकसभेत आणि राज्य सभेत आवाजी मतदानाने मंजूर झाला. टीकाकारांच्या मते जरी या मुळे ४०० कंपन्यामधील २ लाख लोकांच्या नोकऱ्या जाणार असल्या तरी ४५ करोड लोकांचे २५ ते ३०,००० करोड रुपयाचे नुकसान कमी होऊन ते पैसे इतर त्यांच्या जीवनावश्यक वस्तूंसाठी आणि संसारासाठी वापरले जातील.

असे निर्णय घ्यायला निर्णयक्षमता तर लागतेच पण लोकांबद्धलचा जिव्हाळा आणि देशप्रेम आवश्यक असते आणि ते मोदीमध्ये ठासून भरले आहे.

आज प्रधानसेवक ही उपाधी नक्कीच सार्थक होत आहे. अशा अनेक विषयांमध्ये कठोर निर्णय घेण्याची क्षमता, शारीरिक ताकद आणि लोक प्रतिनिधित्व त्यांना आणि त्यांच्या पक्षाला मिळो हीच ईश्वरचरणी प्रार्थना.

माधव भोळे