विश्वासाचा पाया - २

 विश्वासाचा पाया - २

पूर्वी मीं या ग्रुप मध्ये मीं एक पोस्ट टाकली होती "विश्वासाचा पाया" त्यामध्ये सर्व प्रथम लिहिले होते
Never over commit.: जर आपल्याला एखादी गोष्ट जमणार नसेल तर आधीच सांगा.

काल  चिनार मैदान,डोंबिवली ( प ) येथील येथील आंनदी कला केंद्राचा मूर्तिकार गणपती उत्सवाच्या आधी दोन दिवस पळून गेला आहे. त्यांनी कुवतीपेक्षा जास्त मूर्ती करायला घेतल्या आणि उद्या गणेश चतुर्थी आली आणि अजून अनेक मूर्ती अपूर्ण होत्या, काही मूर्तिचे रंग अर्धवट झाले होते. त्यामुळे ग्राहकांना तोंड दाखवले तर ते मारतील ह्या भीतीने तो पळून गेला असावा. त्याचा परिणाम म्हणजे ज्या लोकांना हे समजले ते मिळतील त्या मुर्त्या घरी घेऊन गेले आणि शेकडो भक्तांना मूर्ती मिळाल्या नाहीत. सर्वकडे गोंधळ आणि बोंबाबोंब झाली आहे.

अशीच गोष्ट पुणे येथील एका उद्योजिकेला दररोज २०० किलो खवललेले खोबरे लागते म्हणून जाहिरात दिली होती. त्याप्रमाणे दुसऱ्या बाईंनी २ दिवस पुरवठा केला आणि तिसरे दिवशी पासून मोबाईल स्विच ऑफ करून बसली. त्या मुळे त्या उद्योजकेच्या व्यवहारात नक्कीच अडचण आली.

या उलट गिरगावातील देशमुखलेन मधील नाना जोशी कॅटरर यांचे वडील. जवळजवळ ५० वर्षा पूर्वीची गोष्ट. एका विवाहमध्ये त्यांनी आयस्क्रीमची ऑर्डर घेतली होती. त्यावेळी विवाहामध्ये आयस्क्रीम म्हणजे अप्रूप होते. त्यावेळी वरळी वरून आयस्क्रीमची गाडी मागवायला लागायची. दुपारी ४.३० वाजता गाडी वरळी वरून निघाली आणि वाटेत ऍक्सीडेन्ट होऊन आडवी झाली. बाबांनी दुसरी गाडी मागवली आणि ६.३० वाजता  रिसेप्शन सुरू होण्यापूर्वी आयस्क्रीम हजर केले. याला म्हणतात कमिटमेन्ट.

आपण एक लक्षात घ्यायला हवे कीं आपण जों माल कोणाला पुरवतो तो कदाचित कोणाचा कच्चा माल असतो तर कोणाचा ऑर्डरचा माल असतो. तो जर वेळेत आणि योग्य गुणवत्तेचा नसेल तर? कोण तुम्हांला  व्यवसाय देणार? मग तुम्ही कोणाचे कोण का असेना.

माधव भोळे